Saturday 14 March 2015

કોઈક વાર ગાંડા થવાની પણ મજા આવતી હશે

કોઈક વાર ગાંડા થવાની પણ મજા આવતી હશે,
દુનુયા સામે આંગળી ચિંધી હસવાની પણ મજા આવતી હશે !

સમય નું ભાન ભૂલી ને ભટકવાની પણ અલગ મોજ હશે,
ઘડિયાળના કાંટાને આરામ આપવાની સાહેબી પણ ઔરજ હશે !

તરસ ને ભૂખ નામની બલાઓ ને ખદેડવાની વાત કેટલી સરસ હશે,
ભ્રમાંડના અઘરાં કોઈડા સુલ્જ્હવાની જવાબદારી કઈ નાની થોડી હશે !

પોતાની મસ્તીમાં જ્હુમ્વામાં પણ કૈક અલગજ આનંદ આવતો હશે,
મુન્જ્હવણ નામની પનોતીને ચોરે મુકવાનો રૂઆબ પણ ઓછો થોડો હશે !

ચોમાસું, ઉનાળો કે શિયાળો, વેધરપ્રૂફ થવાનો ફાઈદો તો જરૂર થતો હશે,
ચોમેર પથરાઈલી કુદ્રત સાથે મશ્કરી કરવાની વાત પણ કૈક નિરાલીજ  હશે !

ચાર દીવાલો અને છાપરામાં રેવાની  ગુંગળામણ જરૂર થતી હશે,
ધારે ત્યાં પથારી નાખી ઘેનને આવકારવાની લાલચ પણ અનોખી હશે !

શાણાઓ ના તિરસ્કાર પર ગુચવાવાનો અનુભવ પણ જુનો હશે,
સમાજ ના શાણપણ ને પડકારવાની તજવીજ જરૂર થતી હશે !

ચાલતા ચાલતા થાકવાની બીક તો તદ્દન અજાણી વાત હશે,
તળિયાને ધરા પર ઘસવાની કસરત પણ જાણે રોજનું કામ હશે !

નદી કિનારે બેસી જાતને ઓળખવાની ઝંખ્ના તો જાણે થતીજ હશે,
રોજ નવી સક્શીયતને મળવાનો ઉમળકોતો ચોક્કસ ઉભરતો હશે !

કોઈક વાર ગાંડા થવાની પણ મજા આવતી હશે,
દુનિયા સામે આંગળી ચીંધી હસવાની પણ મજા આવતી હશે.......