આજે કઈક કરવાનું મન થયું

આજે બેઠા બેઠા કઈક કરવાનું મન થયું, પોતાની જાત ને તસ્દી આપવાનું મન થયું,
કઈક જુનું કરવાનું મન થયું, આજે લખવાનું મન થયું, વરસાદમાં નાહવાનું મન થયું,

એક ધારું અને એક ચિત્તે બેસી રહી સમય વિતાવવાની પ્રથા ને બંધ કરવાનું મન થયું,
આજે શાંતિ ભંગ કરી, મને નાના ભૂલકાની જેમ ચીસ પાડીને તોફાન કરવાનું મન થયું,

ગરમા ગરમ ચા અને ભજીયા ની જગ્યા એ, મને પ્રકતિ સાથે ધમાલ પાડવાનું મન થયું,
શાણો તો જાણે રોજ અજ હોવ છુ, આજે મિત્રો સાથે મળી મને ગાંડો બનવાનું મન થયું,

ગંદા થતા તો પોતાની જાતને બચાવ અજ છું, આજે ખાબોચિયામાં છબછબીયા કરવાનું મન થયું,
 આમ તો રોજ દોડ લાગાવુજ છું, આજે કાગળ ની હોળી બનાવી હરોળ માં ઉતારવાનું મન થયું,

આમ તો રોજ ગર્દી માજ ચાલુ છું, દિલ થી વરશતા આ મેઘ માં આજે એકલા ચાલવાનું મન થયું,
માણસો સાથે તો બૌ વાત કરી, આજે  વૃક્ષો, પશુઓ અને દેડકો સાથે ગપ્પા મારવાનું મન થયું,

મિત્રો સાથે તો રોજ વાત થતીજ હોઈ છે, આભે થી ઉતરેલા ટીપાઓ સાથે લટાર મારવાનું મન થયું,
બંધ બારને પવન ને તો ઘણો રોક્યો, આજે પવન સાથે આવતી વાછટને મોઢા પર લેવાનું મન થયું,

યાંત્રિક જીંદગી તો રોજ અજ ચાલતી રેહવાની, આજે એ યંત્ર ને થોબીજા કહી શ્વાસ લેવાનું મન થયું,
આજે મને કઈક  જુનું કરવાનું મન થયું, આજે મને લખવાનું મન થયું, વરસાદ માં નાહવાનું મન થયું।